Qubada azyaşlını avtomobil vurub

15.04.2019 11:41
Quba rayonunda piyadanın vurulması ilə bağlı yol-nəqliyyat hadisəsi baş verib. 

REYD-in "Report"a istinadən məlumatına görə, Qubanın Rustov kəndində 2014-cü il təvəllüdlü yerli sakin Kərimov Həzrət Ramil oğlunu avtomobil vurub.

Müxtəlif bədən xəsarətləri alan piyada Quba Rayon Mərkəzi Xəstəxanasına yerləşdirilib. Onun vəziyyətinin orta-ağır olduğu bildirilir.

Faktla bağlı araşdırma aparılır.