Sabirabadda iki avtomobili toqquşdu - Ölən və yaralananlar var

29.06.2019 12:26
Sabirabadda ağır yol qəzası olub.

REYD-in Oxu.Az-a istinadən verdiyi məlumata görə, hadisə Bakı-Horadiz yolunun rayonun Qaratəpə kəndi ərazisindən keçən hissəsində baş verib.

"VAZ-2107” markalı avtomobillə "Mercedes” markalı avtomobilin toqquşması nəticəsində Bakının Səbail rayon sakini İbadov Sücəddin Alış oğlu hadisə yerində ölüb.

Ailənin digər üzvləri, 1981-ci il təvəllüdlü İbadova Vəsilə Sabir qızı və 1973-cü il təvəllüdlü İbadov Samir Sücəddin oğlu müxtəlif dərəcəli bədən xəsarətləri alıb.

Yaralılar Sabirabad Rayon Mərkəzi Xəstəxanasına yerləşdirilib.

Faktla bağlı araşdırma aparılır.