“Könüllü gömrükçü”lərlə görüş keçirilib

26.10.2019 15:35

Oktyabrın 26-da Dövlət Gömrük Komitəsində (DGK) fəaliyyət göstərəcək növbəti "Könüllü gömrükçü” dəstəsinin üzvləri ilə görüş keçirilib.

Komitənin Mətbuat və İctimaiyyətlə Əlaqələr İdarəsindən bildirilib ki, görüşdə DGK sədri, gömrük xidməti general-leytenantı Səfər Mehdiyev, Gömrük Komitəsinin aidiyyəti strukturlarının nümayəndələri və "Könüllü gömrükçü” dəstəsinin 118 üzvü iştirak edib.

S.Mehdiyev əsası ümummilli lider Heydər Əliyev tərəfindən qoyulan və Prezident İlham Əliyev tərəfindən uğurla davam etdirilən müstəqil Azərbaycanın inkişaf strategiyasının mərkəzində gənclər siyasətinin dayandığını bildirib. Komitə sədri diqqətə çatdırıb ki, daim gənclərə yüksək diqqət və qayğı göstərən Prezident İlham Əliyev onların potensialının üzə çıxarılması, bilik və bacarıqlarının artırılması, həyatın bütün sahələrində irəli çəkilməsinə, yüksək etimad göstərilməsinə xüsusi önəm verib.

O, ölkəmizdə həyata keçirilən gənclər siyasətinin və könüllü hərəkatının formalaşması, daha da inkişaf etməsində Birinci vitse-prezident Mehriban Əliyevanın reallaşdırdığı və müxtəlif sahələri əhatə edən layihələrin mühüm rol oynadığını diqqətə çatdırıb.

Vurğulanıb ki, sıralarında minlərlə gənci birləşdirən könüllülərin ölkəmizdə keçirilən beynəlxalq əhəmiyyətli konfranslarda, mədəni-kütləvi tədbirlərdə, idman yarışlarındakı səmərəli və uğurlu fəaliyyəti onlara göstərilən yüksək dəstək, qayğı və etimadın nəticəsi kimi qiymətləndirilməlidir.

Daha sonra gömrük sistemində Prezident İlham Əliyev tərəfindən həyata keçirilən islahatlar, bu islahatların mahiyyəti, hədəfləri və uğurlu nəticələri barədə qısa məlumat verən komitə sədri bildirib ki, gömrük orqanları şəffaflığın təmin olunması, kölgə iqtisadiyyatının aradan qaldırılması, ölkəmizin ixrac və tranzit potensialının artırılmasında mühüm addımlar atıb. Eyni zamanda, gömrük işinin təşkilində tətbiq edilən yeniliklər və həyata keçirilən islahatların nəticəsi olaraq beynəlxalq aləmdə böyük nüfuz qazanan Azərbaycan gömrüyü dünyanın ən inkişaf etmiş ölkələrinin təmsil olunduğu Avropa regionuna sədrlik etmək hüququ əldə edib. O bildirib ki, əldə edilən uğurlarda gömrük sistemində çalışanların əksəriyyətini təşkil edən gənclərin rolu danılmazdır.

S.Mehdiyev artıq könüllü gömrükçü dəstəsinin ilk üzvlərinin fəaliyyətini uğurla başa vuraraq sertifikatlarla təmin olunduğunu, yeni üzvlərin də bilik və bacarıqlarının artırılması, potensialının üzə çıxarılması istiqamətində bütün zəruri addımların atılacağını, lazımi dəstəyin göstəriləcəyini bildirib və onlara uğurlar arzulayıb.

Könüllü gömrükçülər adından çıxış edən Fərid Rəsulzadə gömrük orqanlarında 4 aylıq fəaliyyəti zamanı əldə etdiyi bilik və bacarıqların gələcək həyatı ilə yanaşı, karyerasının qurulmasında da mühüm rol oynayacağını vurğulayıb və könüllü gömrükçülər adından yaradılan şəraitə, göstərilən dəstəyə görə Prezident İlham Əliyevə və Birinci vitse-prezident Mehriban Əliyevaya təşəkkürünü bildirib.



SON XƏBƏRLƏR

2019-11-21

13:35 Kenquru hücum etdiyi qadını bu hala saldı- FOTO

13:27 DYP hava şəraiti ilə əlaqədar sürücülərə müraciət etdi

13:25 Bələdiyyə torpağını qanunsuz satan sədr həbs edildi

2019-11-06

16:55 Yeniyetmə kompüter oyunu oynamaqdan öldü

16:54 Ərdoğan: Bağdadinin arvadı tutulub

2019-11-05

10:36 Ötən gün Bakıda baş verən yol qəzasında xəsarət alan azyaşlı ölüb

10:34 Sərhədi pozmaq istəyən 8 nəfər saxlanılıb

10:32 Bakıda bazar yaxınlığında avtobuslar toqquşdu: səkkiz yaralı

10:31 Bakıda 81 yaşlı kişi dəhşət saçdı - Törətdiyi qəzada ana və oğul öldü

2019-10-31

12:21 Azərbaycanda yararsız avtomobillərin dövriyyədən çıxarılması və utilizasiyası proqramı hazırlanır

12:18 Hakim Kakaya sarı vərəqə göstərdi, sonra selfi çəkdirdi - VİDEO

12:06 Köhnə kitablarınız var? - "Libraff"dan maraqlı layihə

2019-10-28

15:46 Deputat avtomobillərdə plyonka qadağasının aradan qaldırılmasını təklif edib

12:10 Riberidən hakimə hörmətsizlik - FOTO

10:49 “Ginnesin Rekordlar kitabı”na düşən Bakı metrosundakı faciədən 24 il ötür

10:47 Azərbaycan sərhədini pozan Gürcüstan vətəndaşı ələ keçdi

2019-10-26

15:38 PA: Əminik ki, Azərbaycan Qoşulmama Hərəkatına uğurla sədrlik edəcək

15:38 Bakı-Tbilisi-Bakı sürət sərnişin qatarı ilk dəfə sərnişin lokomotivi ilə yola salınıb

15:37 Sentyabrda hava nəqliyyatı ilə 251 min sərnişin daşınıb

15:35 “Könüllü gömrükçü”lərlə görüş keçirilib

davamı>>