Hindistanda İES-də partlayış baş verib, ölən və yaralananlar var

01.07.2020 11:25
Hindistanda İstilik Elektrik Stansiyasında (İES) partlayış baş verib.

REYD-in xəbərinə görə, bu barədə NDTV telekanalı məlumat yayıb.

Bildirilib ki, insident Tamilnad ştatında, Kuddalor dairəsində qeydə alınıb.

Hadisə nəticəsində ən azı 4 nəfər ölüb, 13 nəfər xəsarət alıb.

Partlayışın başvermə səbəbi hələlik məlum deyil. Hadisə yerində xilasedicilər çalışır.